Pathian dawtnak le zaangfahnak thawngin kum 2009, kum thar, kan phanh khawh caah kan i lawm i a kan dawtu Pathian kan thangthat. Hi Thawngthabia i hrawmnak i aa tel khomi le a rak reltu nan dihlak cungah Pathian thluachuahnak um ko seh.
Laimi hi Kawlram le Laitlang ah siseh, vawlei cung khuazakip ah siseh, kan i thenthek dih ve ko cang i kan khua le kan ram a that lo caah a tampi cu kan chuahtak i ram dangah kan kal i ngeihchiat-awk a si nain khatlei ahcun lunglawmh-awk zong a si ve ko. Zeicah tiah a herh tikah chungkhar le unau a bawm khotu ah kan can caan a um ve tawn.
Cun kan umnak cio ah harnak tete zong kan tong lengmang ve. A bik in Malaysia ih a ummi kan dawtmi Laimi thong tampi an um i an harnak ruah tikah ngeihchiat-awk a si. Cun a cheu cu USA kan phan i USA zongah economy a that lo caah harnak a tongmi tete kan um ve hoi. Cu zong cu a nuam lo ngaimi a si.
Khuazei poah i kan um ah nihin Pathian Thawngtha i hrawm-awk i ka duhmi cu "Tih Hlah" tihi a si.
(1) Kan Baibal ca nih voi tampi Tih Hlah ti hi a ti lengmangmi a si. Christmas kan lomh lio i Baibal ca kan rel tik zongah Tih Hlah ti hi vancungmi nih an timi kan hmuh. Mary sin ah a ti i (Luk 1:30), tukhal pawl sin zongah a ti (Luk 2:10). Kan Bawi Jesuh rian a tuan lio zongah a zultu hna sinah Tih Hlah u, a ti tawn hna (Luk 12:32). Pathian nih a zumtu hna sinah "Tih Hlah u, raltha in um u," a ti tawn hna (Jos 1:9; Heb 13:5-6). Hihi Khrihfabu a kan Sertu Pathian nih "Tih Hlah u" a kan ti lengmang hi kan caah lunglawmh hnangamnak hrampi taktak a si ko. A kan Sertu a si caah kan zeizong kong vialte a theih dih. Amah nih Tih Hlah u, a ti ahcun a tling bik ko lo maw?
(2) Tih Hlah u, a kan ti tikah kan ruahchih awk ka duhmi cu Immanuel timi biafang hi a si fawn. Hi biafang hi a sullam cu "Pathian kan sinah a um" tinak a si. Khrih kan sin i a chuah hnu cun kan sinah Pathian hi cat loin a um ti duhnak a si. Khuazei khua, khuazei ram kan um zongah, zeibantuk caan le zeibantuk thil kan phurh caan zongah Tih Hlah u, a titu nih hin kan sinah a um tinak a langhter. Kan i nuamh lio zongah kan sinah a um, kan ngeihchiat lio zongah kan sinah a um. Kan tih lio zongah kan sinah a um i, kan kalnak lam a pih lio zongah kan sinah a um, tihi philh hlah usilaw a tha.
(3) Zeicahdah kan tih tawn? A ruang hi phun tampi a um. Asinain a biapi bik pakhat cu kan har caan le kan i nuam lo tikah kan tih tawn. Hihi minung phung a si ko. Sihmanhsehlaw vawlei mi dangdang nakin Khrihfa mi kan caah cun kan tih-nak hi phorh awkah a fawi deuh. Zeicaahtiah Pathian nih Thiang Thlarau a kan pek i a kan bawmtu a si. "Hnangamtertu A Ra" tiah hla kan sak tawnmi kha, Thiang Thlarau cu a si. Thiang Thlarau hi Mirang holh in Advocate an ti tawn. Kawl holh in "Sih-ni" an timi khi a si. Zumtu kan caah cun "Sih-ni" kan ngei. A kan bawmtu le kan thilrit a kan phurh bawmtu a si, tinak a si. Cucaah a kan teipi lai, tihi zumh awk zong a si. Pathian kan sin i a um ah cun aho nih dah zei an kan ti khawh lai? tiah Paul nih a chimmi kha kan caah a biapi ngaingai.
(4) Zeicahdah kan tih tawn? ti ahcun hmailei kong kan theih cia lo caah kan phang tawn. Hi zong hi phan awk a si lo. Pathian Thlarau cu kan kal cangmi ni le thla chungah a um i kan phanh rih lomi ni le thla chung zongah a um cia cang. A kan hnemtu a si lai i a kan bawmtu a si lai. "Tih Hlah u" tiah bia a kan chim lengmangtu ding cu Amah thiamthiam a si. Cucaah kum 2009 chungah zeidah kan lawh lai, tihi phan lengmang awk a si lo. Ni tampi thla tampi khi atu in nuncih awk a si lo. Ni khat hi tlamtling tein, nazi pakhat hi lungtlingtein nun i zuam usilaw, a fel bik in nun i zuam usilaw, rinhchan tlak bik in nun i zuam usilaw, hmailei vialte cu Amah kut ah chia usih.
A Fapa pakhat hmanh zuah loin a kan petu Pathian nih cun a kan chiah sawhsawh bal lai lo. A kan umpi zungzal ko lai.
Vawlei dongh tiang nan sinah ka um lai, tiah a kan kam (Mat 28:20). A biakam a tlolh bal lomi kan Bawipa cu lunglawmtein bia usilaw, hnangamtein Amah he kum 2009 hi kal ti usih.
Hi email a reltu pakhat cio nan cungah Pathian dawtnak le hnangam cu tlamtlingtein um ko seh.
Stephen Hre Kio
Indianapolis, Indiana, USA
Theihternak: Rev. Dr. Stephen Hre Kio nih CIM ah January 1, 2008 ah a chimmi kan tarmi a si.
Laimi hi Kawlram le Laitlang ah siseh, vawlei cung khuazakip ah siseh, kan i thenthek dih ve ko cang i kan khua le kan ram a that lo caah a tampi cu kan chuahtak i ram dangah kan kal i ngeihchiat-awk a si nain khatlei ahcun lunglawmh-awk zong a si ve ko. Zeicah tiah a herh tikah chungkhar le unau a bawm khotu ah kan can caan a um ve tawn.
Cun kan umnak cio ah harnak tete zong kan tong lengmang ve. A bik in Malaysia ih a ummi kan dawtmi Laimi thong tampi an um i an harnak ruah tikah ngeihchiat-awk a si. Cun a cheu cu USA kan phan i USA zongah economy a that lo caah harnak a tongmi tete kan um ve hoi. Cu zong cu a nuam lo ngaimi a si.
Khuazei poah i kan um ah nihin Pathian Thawngtha i hrawm-awk i ka duhmi cu "Tih Hlah" tihi a si.
(1) Kan Baibal ca nih voi tampi Tih Hlah ti hi a ti lengmangmi a si. Christmas kan lomh lio i Baibal ca kan rel tik zongah Tih Hlah ti hi vancungmi nih an timi kan hmuh. Mary sin ah a ti i (Luk 1:30), tukhal pawl sin zongah a ti (Luk 2:10). Kan Bawi Jesuh rian a tuan lio zongah a zultu hna sinah Tih Hlah u, a ti tawn hna (Luk 12:32). Pathian nih a zumtu hna sinah "Tih Hlah u, raltha in um u," a ti tawn hna (Jos 1:9; Heb 13:5-6). Hihi Khrihfabu a kan Sertu Pathian nih "Tih Hlah u" a kan ti lengmang hi kan caah lunglawmh hnangamnak hrampi taktak a si ko. A kan Sertu a si caah kan zeizong kong vialte a theih dih. Amah nih Tih Hlah u, a ti ahcun a tling bik ko lo maw?
(2) Tih Hlah u, a kan ti tikah kan ruahchih awk ka duhmi cu Immanuel timi biafang hi a si fawn. Hi biafang hi a sullam cu "Pathian kan sinah a um" tinak a si. Khrih kan sin i a chuah hnu cun kan sinah Pathian hi cat loin a um ti duhnak a si. Khuazei khua, khuazei ram kan um zongah, zeibantuk caan le zeibantuk thil kan phurh caan zongah Tih Hlah u, a titu nih hin kan sinah a um tinak a langhter. Kan i nuamh lio zongah kan sinah a um, kan ngeihchiat lio zongah kan sinah a um. Kan tih lio zongah kan sinah a um i, kan kalnak lam a pih lio zongah kan sinah a um, tihi philh hlah usilaw a tha.
(3) Zeicahdah kan tih tawn? A ruang hi phun tampi a um. Asinain a biapi bik pakhat cu kan har caan le kan i nuam lo tikah kan tih tawn. Hihi minung phung a si ko. Sihmanhsehlaw vawlei mi dangdang nakin Khrihfa mi kan caah cun kan tih-nak hi phorh awkah a fawi deuh. Zeicaahtiah Pathian nih Thiang Thlarau a kan pek i a kan bawmtu a si. "Hnangamtertu A Ra" tiah hla kan sak tawnmi kha, Thiang Thlarau cu a si. Thiang Thlarau hi Mirang holh in Advocate an ti tawn. Kawl holh in "Sih-ni" an timi khi a si. Zumtu kan caah cun "Sih-ni" kan ngei. A kan bawmtu le kan thilrit a kan phurh bawmtu a si, tinak a si. Cucaah a kan teipi lai, tihi zumh awk zong a si. Pathian kan sin i a um ah cun aho nih dah zei an kan ti khawh lai? tiah Paul nih a chimmi kha kan caah a biapi ngaingai.
(4) Zeicahdah kan tih tawn? ti ahcun hmailei kong kan theih cia lo caah kan phang tawn. Hi zong hi phan awk a si lo. Pathian Thlarau cu kan kal cangmi ni le thla chungah a um i kan phanh rih lomi ni le thla chung zongah a um cia cang. A kan hnemtu a si lai i a kan bawmtu a si lai. "Tih Hlah u" tiah bia a kan chim lengmangtu ding cu Amah thiamthiam a si. Cucaah kum 2009 chungah zeidah kan lawh lai, tihi phan lengmang awk a si lo. Ni tampi thla tampi khi atu in nuncih awk a si lo. Ni khat hi tlamtling tein, nazi pakhat hi lungtlingtein nun i zuam usilaw, a fel bik in nun i zuam usilaw, rinhchan tlak bik in nun i zuam usilaw, hmailei vialte cu Amah kut ah chia usih.
A Fapa pakhat hmanh zuah loin a kan petu Pathian nih cun a kan chiah sawhsawh bal lai lo. A kan umpi zungzal ko lai.
Vawlei dongh tiang nan sinah ka um lai, tiah a kan kam (Mat 28:20). A biakam a tlolh bal lomi kan Bawipa cu lunglawmtein bia usilaw, hnangamtein Amah he kum 2009 hi kal ti usih.
Hi email a reltu pakhat cio nan cungah Pathian dawtnak le hnangam cu tlamtlingtein um ko seh.
Stephen Hre Kio
Indianapolis, Indiana, USA
Theihternak: Rev. Dr. Stephen Hre Kio nih CIM ah January 1, 2008 ah a chimmi kan tarmi a si.
No comments:
Post a Comment