VAN le Salm 8

Kum 2009 hi International Year of Astronomy tiah an ti. Cu he pehtlai in NASA nih VAN (sky) video an chuah. Minute 4 tluk zoh tikah a rau. Cu caan tawite chungah Van kan zoh tikah kan hmuh khawhmi muisam 7,000 tluk aa tel an ti. Hi video ahhin vawlei aa her tikah van i kan hmuh khawhmi thlapa, nika le arfi hna kha an lang. Cun minmei an zaam mi le vanrang tawi ah thil a ummi an i dawh zia kha hmuh khawh a si. A tanglei video hi a si i, zoh ve hmanh uh. Cun video a tanglei i Baibal caan khi rel te hmanh.

Salm 8

BAWIPA, kan BAWIPA,
Na lianhngannak cu vawleicung dihlak ah hin a lang ko!

Nangmah thangthatnak hi van tiang a phan i
Ngakchia le bawhte nih hla in an sak.
Na ral hna kham kanhnak ah ralhruang na ser i
Na ral le nangmah an huatu hna rak donhnak ah ralhau na ser.

Nangmah na sermi van le an hmun cio ah na chiahmi hna
Thlapa le arfi hna khi ka zoh tikah,
Minung menmen a si mi hi zei dah a si i a zawn na ruah? tihi ka ruat.

Nangmah lawnglawng hi a cungah a ummi na si i
Sunparnak le upatnak cu a lu ah na chinh.
Na sermi thil vialte uktu ah na ser i
Zeizong vialte hna dihlak cungah khan na chiah.
Tuu le caw le ramlak saram hna, va le nga le rili chung thilnung vialte zong,
An dihlak in a tangah na chiah hna.

BAWIPA, kan BAWIPA,
Na lianhngannak cu vawleicung dihlak ahhin a lang ko!