Jesuh nih cun Pathian Uknak cu amah in aa thawk cang a ti. Jesuh Khrih hi vawlei ah rian a tuannak in Pathian Uknak cu aa thawk cang. Nain, Pathian Uknak Jesuh hmangin aa thawkmi hi a tlingmi taktak cu a si rih lo. A kal cuahmahmi tu a si. Hmailei a ra laimi caan ah a tling te ding a si. Cu caah, amah a zumtu nih cun Jesuh nih a nunning le a cawnpiakmi hi kan i cawn ding le kan i nunpi ve ding a si. Hi vawleicung ah Pathian Uknak a lennak hnga ding ahcun Tlang Cung Cawnpiaknak hi i nunpi awk a si.
Amah belte, zulhphung pakhat bantuk in ruah ding cu a si lo. Nawlbia cu zulh ding phung a si. Cu zulh lawng ah luatnak hmuh a si. Dantatnak in luat a si. Nain, Tlang Cung Cawnpiaknak cu cu phun a si lo. Tlang Cung Cawnpiaknak kong kan ruah tikah tuahsernak in Pathian lung ton i zuam kha Jesuh nih a cawnpiakmi a si lo, ti zong kan theih chih awk a herh ngai. Tlang Cung Cawnpiaknak kan ruah tikah “Pathian kan dawt cu amah nih a kan dawt hmasa caah a si” timi hin kan zoh a hau. Pathian nih a kan dawt caah, cu a dawtnak kan theihnak nih midang cungah thil tha tuah duhnak lei i a kan hruai ding, cu a kan hruainak ah lam hmuhsaktu dingah Tlang Cung Cawnpiaknak hi ruah ding a si deuh. Jesuh a hnuzultu nih cun, Pathian nih cun minung kan cungah thleidannak a ngei lo, mi tha he mi tha lo he an cungah a ruah cu a surter ko, ti kha kan philh lo ding ah amah Jesuh hrimhrim nih a kan cawnpiak.
Jesuh cu, Matthai nih a chimning in kan zoh tikah, tlangcung ah a kai. Cun a thu i, a zultu kha a cawnpiak hna (Matt 5:1-2). Cun Tlang Cung Cawnpiaknak a donghnak ahcun, Jesuh cawnpiaknak a theimi mipi cu an khuaruah a har, ti a si (Matt 7:28). A zultu hna sinah a chim i, zei tin dah mipi nih an theih ti hi ruahphu ngai a si. Sidawh a simi cu, Jesuh hmai ah a zultu hi an thu lai i, lamhlat deuh ah mipi hi an thu lai, cu tikah catialtu nih a naih deuh (scene) kha a chim i, a donghnak ahcun zei tluk in dah, a chimmi hmual a ngeih ti kha a langhter duh tikah mipi kong a vun telhmi a si kho. Cu zong cu ruahnak sawhsawh a si. Zei bantuk a va si hmanh ah, Tlang Cung Cawnpiaknak hi a theimi paoh khua a ruahter, fimnak zong a pe i, minung nunnak tiang zong a thlengtu cawnpiaknak a si.
Pehthan ding . . .
Amah belte, zulhphung pakhat bantuk in ruah ding cu a si lo. Nawlbia cu zulh ding phung a si. Cu zulh lawng ah luatnak hmuh a si. Dantatnak in luat a si. Nain, Tlang Cung Cawnpiaknak cu cu phun a si lo. Tlang Cung Cawnpiaknak kong kan ruah tikah tuahsernak in Pathian lung ton i zuam kha Jesuh nih a cawnpiakmi a si lo, ti zong kan theih chih awk a herh ngai. Tlang Cung Cawnpiaknak kan ruah tikah “Pathian kan dawt cu amah nih a kan dawt hmasa caah a si” timi hin kan zoh a hau. Pathian nih a kan dawt caah, cu a dawtnak kan theihnak nih midang cungah thil tha tuah duhnak lei i a kan hruai ding, cu a kan hruainak ah lam hmuhsaktu dingah Tlang Cung Cawnpiaknak hi ruah ding a si deuh. Jesuh a hnuzultu nih cun, Pathian nih cun minung kan cungah thleidannak a ngei lo, mi tha he mi tha lo he an cungah a ruah cu a surter ko, ti kha kan philh lo ding ah amah Jesuh hrimhrim nih a kan cawnpiak.
Jesuh cu, Matthai nih a chimning in kan zoh tikah, tlangcung ah a kai. Cun a thu i, a zultu kha a cawnpiak hna (Matt 5:1-2). Cun Tlang Cung Cawnpiaknak a donghnak ahcun, Jesuh cawnpiaknak a theimi mipi cu an khuaruah a har, ti a si (Matt 7:28). A zultu hna sinah a chim i, zei tin dah mipi nih an theih ti hi ruahphu ngai a si. Sidawh a simi cu, Jesuh hmai ah a zultu hi an thu lai i, lamhlat deuh ah mipi hi an thu lai, cu tikah catialtu nih a naih deuh (scene) kha a chim i, a donghnak ahcun zei tluk in dah, a chimmi hmual a ngeih ti kha a langhter duh tikah mipi kong a vun telhmi a si kho. Cu zong cu ruahnak sawhsawh a si. Zei bantuk a va si hmanh ah, Tlang Cung Cawnpiaknak hi a theimi paoh khua a ruahter, fimnak zong a pe i, minung nunnak tiang zong a thlengtu cawnpiaknak a si.
Pehthan ding . . .
No comments:
Post a Comment