Nizan cu zarhpini a si. Ka pum. Ka rak tin. Cu vial ti i ngol ding khi a si ko. Nain, ngol awk a tha rih lo. Nizan cu pumhnak ah phung ka chim. December zarh khatnak cu si kaw, Khrismas he pehtlai in ka chim. Zarh khatnak lawng a si rih i, hmaizarh lei phungchim ding pawl caah ka nganh hna zong a hau, tiah Matt 1:21-23 i Pathian fapa ngeihchun hi vawleicung ah a rak chuah lio ah, a min an rak pekmi pahnih kong ka chim: Immanuel le Jesuh. Immanuel cu Hebru holh in a ra i, Immanu timi "kan sinah" (with us) timi sullam a ngei. Cun el timi cu "Pathian" tinak a si i, a sullam cu "Pathian kan sinah a um" tinak a si ti kha ka chim. Nihin ah kan caah a chuakmi fapa hi "Kan sinah a ummi Pathian" a si. Cu Pathian cu nihin lawng ah a silo, nizan zong ah kan sinah a um, atu zong ah kan sinah a um, thaizing zong ah kan sinah a um ding Immanuel a si tiah, pakhatnak ah ka chim. Cun "Jesuh" timi hi Hebru holh cun a ra thiam ko i, a sullam cu "Khamhtu" tinak a si ko. Kan caah a chuakmi fapa hi khamhtu a si ti kha ka chim. Hi vawleicung i a rak chuah hnawh chan zong cu duhdim nunnak kan hmuh nakhnga, khamh kan si nakhnga a si. Ka peh chap ahcun a sau sual lai. Cu vial si rih seh.
Pumh a dihcun Karen ka hawipa nih 30th Street Station tiang a ka thlah. Innchung cu ka lut i, zei tik ah dah ka innlei a kalmi tlanglawng a chuah lai tiah ka zoh cu, minute 3 te ka rak hnu ai. 3:02 pm ah a rak chuak. Ka phanh cu 3:05 ah a si. A hnu a chuak ding hi 4:02 ah si ding a si. Elaw, suimilam pakhat chung pei ka hngah a hauh lai hi, ka ti. Zei dah ka tuah lai aw tiah ka ruat i, cu ahcun inn cung dot ah pei thil an zuarnak a si cu, thil pawl ka va zoh lai i, ka duhmi a um ahcun ka caw pah lai tiah inn cunglei dot ah ka kai. Ka duhmi a um ahcun tiah ka timi kha ka palh, biafang thim ka palh bia, ka duh tung, a man a fawimi a um ahcun, a si khawh ahcun a lak in an thenhmi a um ahcun, ka cawk lai ti phun khin ka thawh :)
Thil cawmi cu an tam. A dawh he dawh lo he, thil cawk taktak aa tim he, keimah bantuk a vak sawhsawhmi he kan tam. Inn cunglei bik dot i thil lum deuh pawl an zuarnak ah ka lut. Hawi phung cun pakhat hnu pakhat cun ka zoh. Angki leng aa dawh nawn, a lum ngai dingmi khi ka hei hmuh. Um . . . cawk ah a tha lai tiah, ka vun zoh. Zoh chih lo awk a tha colh lomi, a man te cu, a thli tein, hawi nih an ka hmuh ahcun a man a kai lai ti bang, ka hei zoh. Eh, mah angki hi ka cawk zong ah zei tik ah dah ka hruk hlei lai, a pam lam, ka ti i ka kal tak (cu lio hmanh ah hruk colh awk cu a tha ko cu mu, vei ruang deuh ah a si). Cun bawngbi pawl ka zoh. Pakhat ka zoh, a pan deuh ka ti, a dang pakhat ka zoh a chah deuh ka ti. A dang pakhat than le a ngan tuk. Ka duhmi te cu um sehlaw, zei tluk a man fah zong ah ka cawk ko hnga, tiah cawk loin ka kal than. Cu lio ahcun, ka-rul ka-ru-rul ti thawng ka theih. Zei thawng dah a si ti na lak ah, keimah paw a rak awn ai.
Paw te a tam ahcun a si khawh lo cu ta, tiah inn tang bik dot ah ka va tum. Rawldawr pawl cu ka zoh i, zei dah ka ei hnga tiah pakhat hnu pakhat cun ka zoh. A hnu bikah, chicken biscuit timi khi pahnih ka cawk. Thutnak ah ka kal i, pakhat cu ka chuah i, ka ei. A thaw tuk cu a si lo nain, a thaw cu a si lo :) Ka paw cu tam hlah sehlaw, ka ei duh hnga maw tiah ka ruat pah i, ka ei. Cu lio ahcun kum 40 hrawng a si lai dah. Nu pakhat nih a ka fuh i, arsa ei awk na ngei maw tiah a ka hal. A paw a tam ko hi ta tiah, chicken biscuit pakhat a tangmi cu ka pek. A zoh a zoh i, mah bantuk kha cu ka duh lo, a ti. A paw tam i a ka halmi a si lai kaw, keimah zong nih ka ei komi, cucu a hei duh hnga lo aw, tiah ka ruat. Cun, a ka kal tak. Lamhlat nawn a phanh khin a dir i, keimah lei cu saunawn a rak zoh. I ruat than sehlaw a dawh. Kei zong cu a dir chung cu, a rak kir than i, ka pe than ko a ka ti sual ah, tiah tongh loin ka chiah ko. Cun, ka sin rat ti loin ka dang ah a kal diam. Khua a ka ruah ter. A ka hal. Ka pek. Nain, a duh lo. Mah cu ngai cu aw ka hei ti.
A duh tung lo i, keimah nih ei kun ning ka ti i, ka ei. Ka ei pah cun lam i a kalmi khi ka hei zoh pah hna. Ngaknu dawh tete an kal lio a si le, sau deuh ka hei zoh. Cu si lo i, upa pawl an kal lio a si ahcun, ka zoh zuam ve lo :) Ka eimi cu a dih. Ka suimilam ka zoh i, minute 30 hrawng ka ngei rih. Tlanglawng hngah ka hau rih. Zei dah ka tuah lai tiah ka ruah lio ah, ka hmai i a kalmi nu nih khua dang a ka ruah ter, minute 3-4 chung cu. Mah tluk in khua a sih. Angki lum, thil lum pipi i hruk i, luchin he kuthrolh he kan si lio ah, cu nu cu skirt te he a si ai. A skirt hmanh cu, a tawi tuk ah, vei tiang lawng a huh ko hen cu :) Um . . . mi nih ka zoh hna seh ti a va duh lai si kaw, mi fanau nu, a cei tung lai, ka hei ti. A lenglei cun a zei poi lo bantuk tein aa umter lai i, a chunglei cun a va thi deng lai mu, tiah keimah ruahpi khin ka ruah piak, ka sai lo nain :). Kawlram ka um lio ah, capo in nu hi khua sik an celh deuh i, pa nih khua lum an celh deuh timi zong a ka theih ter than. Hakha khua sik saling ah ngaknu cheu khat cu, thil pan te an i hruk i, a lenglei cun zoh an dawh tuk ko nain, an chunglei in zei dik an lawh lai, an rak timi kha ka thei than. Yangon ni linh saling, thlan hripi zong nih peih dih lio i, suit he necktie he, kedan he um cu, a leng lei cun zoh a dawh nain, chunglei cun hell cio a si ko tiah, capo an saihmi zong kha, ka thei dih. Nan ton bal ve sual le, ka ngai thiam te uh :)
Cu pawl ka hun ruah kar ah, ka hmuhmi nu cu a lo diam ai. Ka hmuh ti loin ka thawpi ka chuah. Cun Old Navy timi dawr ah ka lut. Thil man an rak thumh hna. Hi tluk thil man an thumh cu, ka cawk bak ve lai ti phun in dawr chungah cun ka lut. Minute 15 hrawng ka chawh hnu ah, ka chuak than. Zei ka cawk le cawk lo cu, ka hal hlah uh (ka cawk lo nan ka hngalh sual lai). Dawr chung ka um lio ah chik khat te ka lung ah a hung chuakmi cu, ka blog a ka leng tawnmi hna hi, aho an si ka thei setsai hna lo nain, Khrismas caan tal ah laksawng pe hna ning law a tha lai. Old Navy angki pawl, hngawngngerh pawl hi laksawng ka chuah hna lai, ka hun ti. A man ka tuak. Cun, zei tin dah ka kuat chin hna lai. An address zong ka thei fawn hna lo. An min zong ka thei hna lo. Benin le Egypt ram te hna ah a ummi zong an i tel, zei tin dah cu pawl cu ka hei kuat hna lai aw, ti ka vun ruah cun, ka lu a hun lin. Ka thluak fak ai, anmah te tu in an umnak cio ah i cawk te hna sehlaw a tha deuh tiin, dawr chung cun ka chuak than :)
Ka suimilam ka zoh 4:00 tlinnak ah minute 5 aa duh rih. Dawr pakhat ah mino tampi an lut. Ka tar rih tung lo, ka va lut ve tuah lai tiah ka lut ve. Electronic thil phun deuh a si. February 2009 cun TV cu DTV in an thlen lai ti a si kaw, inn i ka TV le hman awk a tha ti tung lai lo i, a thar i cawk ning tiah TV cu ka zoh. A lak in an zuar fawn lo. A lak in an zuar lo le um seh, an i sungh ko hen cu, ti phun in thil dang tu ka zoh than. Atu cu, nan theih bantuk in, vawlei fimnak a sang tuk cang i, mawtaw cungah zei an ti cu, GPS ti a si ko lo ma, an chiah i, kal duhnak lam a hmuhsaktu khi. Aw cu pawl khi an zuar. Kal duhnak lam a chim khotu pei a si cu, ka cawk ve ah a tha lai. Ka duhnak paoh ah ka kal kho cang lai. Atu tan lawlaw ah caw ko ning tiah, cawk ka tim. Pakhat hnu pakhat ka vun zoh, an man tu cu a fak, a fah phung a si ko, ka hei ti. Ka vun cawk cang lai ka hun ti ah, ka mawtaw cung chiah dingah aa remmi pei si a hau cu, ti ka hun tuak than. Ka mitthlam cun ka mawtaw cu ka vun suai. Ka suai kho bak ti lo. Mah mawtaw umtuning hmanh mitthlam i suai khawh ti lo cu aw tiah keimah le keimah ka vun i mawh chiat hnik. Ka mawh lo, mawtaw ngeih lo ahcun zei cu dah ka mitthlam cun ka suai khawh hnga, ka ti. GPS zong cu ka herh tung lo, atu inn ka tinnak cu tlanglawng pei ka cit ko lai cu, ka ti i, dawr cun ka chuak zokzok than.
Tlanglawng dirnak ka hei phanh ahcun, ka cit dingmi tlanglawng cu minute 5 a hnu lai ee ti a si. Elaw, minung kan si chung paoh le minung tuahmi ahcun a tling dih ti a um kho lo hi, ka hei ti. Tlanglawng hngahnak hi inntang lei ah a si nain, a leng deuh a si cang caah, a kik ngai i, tlanglawng hngah pah tu ahcun, ka pawng ah a dirmi ngaknu pawl zong ka zoh ti hna lo (ngaknu an dir ve theo lai ti bia, an um le um lo cu ka thei lo). Ka cit dingmi tlanglawng cu a phan. Ka kai i, thlalangawng pawng ah ka thu. Phone tal chawn pah ning ka ti nain, vawlei tang ah lut colh kaw, ka phone line a mih hoi lo. Zei ti awk tha, thu teng tung ko kun ning ka ti. Tlanglawng a kal cun, zei le zei dik ka ruat chap i, minute 25 hrawng ka cit hnu ah, ka umnak pawng i Mt. Airy tlanglawng dirnak a phan. Kan ngakchiat lio i mawtaw kan i cit ah kan rak i lunghmuih tuk i, a hnulei an kalter caan tawi te hmanh a thahnem kan rak ti. Ka tlanglawng cu a hnulei ah thawn i tim hlah kaw, a ka lanhpi sual ai lai tiah, ka tum zokzok. Cun, inn tin a si ko cang. Inn chung a phanh cun rawl a ei lai, asiloah ti aa kholh lai, asiloah computer hmai ah a thu lai, asiloah TV a zoh lai ti kha cu, Lai tuak in nan tuak khawh cia, ka chim ti lai lo :-)
Pumh a dihcun Karen ka hawipa nih 30th Street Station tiang a ka thlah. Innchung cu ka lut i, zei tik ah dah ka innlei a kalmi tlanglawng a chuah lai tiah ka zoh cu, minute 3 te ka rak hnu ai. 3:02 pm ah a rak chuak. Ka phanh cu 3:05 ah a si. A hnu a chuak ding hi 4:02 ah si ding a si. Elaw, suimilam pakhat chung pei ka hngah a hauh lai hi, ka ti. Zei dah ka tuah lai aw tiah ka ruat i, cu ahcun inn cung dot ah pei thil an zuarnak a si cu, thil pawl ka va zoh lai i, ka duhmi a um ahcun ka caw pah lai tiah inn cunglei dot ah ka kai. Ka duhmi a um ahcun tiah ka timi kha ka palh, biafang thim ka palh bia, ka duh tung, a man a fawimi a um ahcun, a si khawh ahcun a lak in an thenhmi a um ahcun, ka cawk lai ti phun khin ka thawh :)
Thil cawmi cu an tam. A dawh he dawh lo he, thil cawk taktak aa tim he, keimah bantuk a vak sawhsawhmi he kan tam. Inn cunglei bik dot i thil lum deuh pawl an zuarnak ah ka lut. Hawi phung cun pakhat hnu pakhat cun ka zoh. Angki leng aa dawh nawn, a lum ngai dingmi khi ka hei hmuh. Um . . . cawk ah a tha lai tiah, ka vun zoh. Zoh chih lo awk a tha colh lomi, a man te cu, a thli tein, hawi nih an ka hmuh ahcun a man a kai lai ti bang, ka hei zoh. Eh, mah angki hi ka cawk zong ah zei tik ah dah ka hruk hlei lai, a pam lam, ka ti i ka kal tak (cu lio hmanh ah hruk colh awk cu a tha ko cu mu, vei ruang deuh ah a si). Cun bawngbi pawl ka zoh. Pakhat ka zoh, a pan deuh ka ti, a dang pakhat ka zoh a chah deuh ka ti. A dang pakhat than le a ngan tuk. Ka duhmi te cu um sehlaw, zei tluk a man fah zong ah ka cawk ko hnga, tiah cawk loin ka kal than. Cu lio ahcun, ka-rul ka-ru-rul ti thawng ka theih. Zei thawng dah a si ti na lak ah, keimah paw a rak awn ai.
Paw te a tam ahcun a si khawh lo cu ta, tiah inn tang bik dot ah ka va tum. Rawldawr pawl cu ka zoh i, zei dah ka ei hnga tiah pakhat hnu pakhat cun ka zoh. A hnu bikah, chicken biscuit timi khi pahnih ka cawk. Thutnak ah ka kal i, pakhat cu ka chuah i, ka ei. A thaw tuk cu a si lo nain, a thaw cu a si lo :) Ka paw cu tam hlah sehlaw, ka ei duh hnga maw tiah ka ruat pah i, ka ei. Cu lio ahcun kum 40 hrawng a si lai dah. Nu pakhat nih a ka fuh i, arsa ei awk na ngei maw tiah a ka hal. A paw a tam ko hi ta tiah, chicken biscuit pakhat a tangmi cu ka pek. A zoh a zoh i, mah bantuk kha cu ka duh lo, a ti. A paw tam i a ka halmi a si lai kaw, keimah zong nih ka ei komi, cucu a hei duh hnga lo aw, tiah ka ruat. Cun, a ka kal tak. Lamhlat nawn a phanh khin a dir i, keimah lei cu saunawn a rak zoh. I ruat than sehlaw a dawh. Kei zong cu a dir chung cu, a rak kir than i, ka pe than ko a ka ti sual ah, tiah tongh loin ka chiah ko. Cun, ka sin rat ti loin ka dang ah a kal diam. Khua a ka ruah ter. A ka hal. Ka pek. Nain, a duh lo. Mah cu ngai cu aw ka hei ti.
A duh tung lo i, keimah nih ei kun ning ka ti i, ka ei. Ka ei pah cun lam i a kalmi khi ka hei zoh pah hna. Ngaknu dawh tete an kal lio a si le, sau deuh ka hei zoh. Cu si lo i, upa pawl an kal lio a si ahcun, ka zoh zuam ve lo :) Ka eimi cu a dih. Ka suimilam ka zoh i, minute 30 hrawng ka ngei rih. Tlanglawng hngah ka hau rih. Zei dah ka tuah lai tiah ka ruah lio ah, ka hmai i a kalmi nu nih khua dang a ka ruah ter, minute 3-4 chung cu. Mah tluk in khua a sih. Angki lum, thil lum pipi i hruk i, luchin he kuthrolh he kan si lio ah, cu nu cu skirt te he a si ai. A skirt hmanh cu, a tawi tuk ah, vei tiang lawng a huh ko hen cu :) Um . . . mi nih ka zoh hna seh ti a va duh lai si kaw, mi fanau nu, a cei tung lai, ka hei ti. A lenglei cun a zei poi lo bantuk tein aa umter lai i, a chunglei cun a va thi deng lai mu, tiah keimah ruahpi khin ka ruah piak, ka sai lo nain :). Kawlram ka um lio ah, capo in nu hi khua sik an celh deuh i, pa nih khua lum an celh deuh timi zong a ka theih ter than. Hakha khua sik saling ah ngaknu cheu khat cu, thil pan te an i hruk i, a lenglei cun zoh an dawh tuk ko nain, an chunglei in zei dik an lawh lai, an rak timi kha ka thei than. Yangon ni linh saling, thlan hripi zong nih peih dih lio i, suit he necktie he, kedan he um cu, a leng lei cun zoh a dawh nain, chunglei cun hell cio a si ko tiah, capo an saihmi zong kha, ka thei dih. Nan ton bal ve sual le, ka ngai thiam te uh :)
Cu pawl ka hun ruah kar ah, ka hmuhmi nu cu a lo diam ai. Ka hmuh ti loin ka thawpi ka chuah. Cun Old Navy timi dawr ah ka lut. Thil man an rak thumh hna. Hi tluk thil man an thumh cu, ka cawk bak ve lai ti phun in dawr chungah cun ka lut. Minute 15 hrawng ka chawh hnu ah, ka chuak than. Zei ka cawk le cawk lo cu, ka hal hlah uh (ka cawk lo nan ka hngalh sual lai). Dawr chung ka um lio ah chik khat te ka lung ah a hung chuakmi cu, ka blog a ka leng tawnmi hna hi, aho an si ka thei setsai hna lo nain, Khrismas caan tal ah laksawng pe hna ning law a tha lai. Old Navy angki pawl, hngawngngerh pawl hi laksawng ka chuah hna lai, ka hun ti. A man ka tuak. Cun, zei tin dah ka kuat chin hna lai. An address zong ka thei fawn hna lo. An min zong ka thei hna lo. Benin le Egypt ram te hna ah a ummi zong an i tel, zei tin dah cu pawl cu ka hei kuat hna lai aw, ti ka vun ruah cun, ka lu a hun lin. Ka thluak fak ai, anmah te tu in an umnak cio ah i cawk te hna sehlaw a tha deuh tiin, dawr chung cun ka chuak than :)
Ka suimilam ka zoh 4:00 tlinnak ah minute 5 aa duh rih. Dawr pakhat ah mino tampi an lut. Ka tar rih tung lo, ka va lut ve tuah lai tiah ka lut ve. Electronic thil phun deuh a si. February 2009 cun TV cu DTV in an thlen lai ti a si kaw, inn i ka TV le hman awk a tha ti tung lai lo i, a thar i cawk ning tiah TV cu ka zoh. A lak in an zuar fawn lo. A lak in an zuar lo le um seh, an i sungh ko hen cu, ti phun in thil dang tu ka zoh than. Atu cu, nan theih bantuk in, vawlei fimnak a sang tuk cang i, mawtaw cungah zei an ti cu, GPS ti a si ko lo ma, an chiah i, kal duhnak lam a hmuhsaktu khi. Aw cu pawl khi an zuar. Kal duhnak lam a chim khotu pei a si cu, ka cawk ve ah a tha lai. Ka duhnak paoh ah ka kal kho cang lai. Atu tan lawlaw ah caw ko ning tiah, cawk ka tim. Pakhat hnu pakhat ka vun zoh, an man tu cu a fak, a fah phung a si ko, ka hei ti. Ka vun cawk cang lai ka hun ti ah, ka mawtaw cung chiah dingah aa remmi pei si a hau cu, ti ka hun tuak than. Ka mitthlam cun ka mawtaw cu ka vun suai. Ka suai kho bak ti lo. Mah mawtaw umtuning hmanh mitthlam i suai khawh ti lo cu aw tiah keimah le keimah ka vun i mawh chiat hnik. Ka mawh lo, mawtaw ngeih lo ahcun zei cu dah ka mitthlam cun ka suai khawh hnga, ka ti. GPS zong cu ka herh tung lo, atu inn ka tinnak cu tlanglawng pei ka cit ko lai cu, ka ti i, dawr cun ka chuak zokzok than.
Tlanglawng dirnak ka hei phanh ahcun, ka cit dingmi tlanglawng cu minute 5 a hnu lai ee ti a si. Elaw, minung kan si chung paoh le minung tuahmi ahcun a tling dih ti a um kho lo hi, ka hei ti. Tlanglawng hngahnak hi inntang lei ah a si nain, a leng deuh a si cang caah, a kik ngai i, tlanglawng hngah pah tu ahcun, ka pawng ah a dirmi ngaknu pawl zong ka zoh ti hna lo (ngaknu an dir ve theo lai ti bia, an um le um lo cu ka thei lo). Ka cit dingmi tlanglawng cu a phan. Ka kai i, thlalangawng pawng ah ka thu. Phone tal chawn pah ning ka ti nain, vawlei tang ah lut colh kaw, ka phone line a mih hoi lo. Zei ti awk tha, thu teng tung ko kun ning ka ti. Tlanglawng a kal cun, zei le zei dik ka ruat chap i, minute 25 hrawng ka cit hnu ah, ka umnak pawng i Mt. Airy tlanglawng dirnak a phan. Kan ngakchiat lio i mawtaw kan i cit ah kan rak i lunghmuih tuk i, a hnulei an kalter caan tawi te hmanh a thahnem kan rak ti. Ka tlanglawng cu a hnulei ah thawn i tim hlah kaw, a ka lanhpi sual ai lai tiah, ka tum zokzok. Cun, inn tin a si ko cang. Inn chung a phanh cun rawl a ei lai, asiloah ti aa kholh lai, asiloah computer hmai ah a thu lai, asiloah TV a zoh lai ti kha cu, Lai tuak in nan tuak khawh cia, ka chim ti lai lo :-)
No comments:
Post a Comment