Khrismas caan kan phanh tik paoh ah, mi tampi cu, kan lung a leng. Hlan lio chungkhar le hawile kom he Khrismas kan rak hmanti hna kha kan ngai ruangmang than i, kan mitthli a ha tawn. Innlei ngaih le Laitlang kan ngaih ruangah a tlami mitthli siloin, Khrismas lio ah a rak tlami mitthli kong tial ka hun duh:
Ngakchia Hna Mitthli: Jesuh a rak chuah lio ah, Herod nih Jesuh thah duh ah Bethlehem le a kiangkap ummi khua i, ngakchia tampi a rak thah hna. Ngakchia hna mitthli a tla i, an nunnak a rak liam.
Nule Hna Mittthli: An dawt tukmi an fale, an mit ka ah, an rak chuh chih hna i, an rak thah hna. Hringtu nule pale an mitthli a rak tla.
Ralkap Hna Mitthli: Ngakchia hna thah dingin an rak fialmi ralkap pawl zong an thinlung mitthli a rak tla ve ko lai. Zei a sual lomi ngakchia thah hna cu, a tha ko tiah an rak ruat hrim lai lo. Anmah lila zong nupi le fale a ngeimi an rak si ve lai. A har an rak ti tuk lai.
Pathian Mitthli: A fapa minung caah vawlei ah a rak thlah tikah, Pathan a mitthli a tla ve theo lai. Vawleicung ah daihnak um seh tiin a rak thlahmi a fapa kha Herod nih thah a timh lawng si loin, a fapa Jesuh thah duh ah ngakchia tampi thah an rak si tikah, Pathian a thinlung a rak kuai tuk lai dah.
Jesuh Mitthli: Amah thah duh ah, a ngakchia hawi tu an rak thah hna tikah, Jesuh a mitthli a tla ve hrim lai. Cun, Khrihfami nih Amah kan lawmh tiah ti riangmang in kan duh paoh in kan um i, Khrismas caan kha mah duhmi tuah caan, zu din sa-ei caan i kan hman tikah Jesuh a mitthli a tla ve hrim lai.
Tukum kan tuahmi cu midang mitthli tlak tertu a si lo dingah i zuam hna usih. Keimah thinlung chungah rak chuak ko, Bawipa ti hna usih. Khrismas kan tuah tik paoh ah “Khrismas Mitthli” hi thei peng usih law, kannih cu midang mitthli tlak tertu kan si sual nakhnga lo, i zuam hna usih.
Ngakchia Hna Mitthli: Jesuh a rak chuah lio ah, Herod nih Jesuh thah duh ah Bethlehem le a kiangkap ummi khua i, ngakchia tampi a rak thah hna. Ngakchia hna mitthli a tla i, an nunnak a rak liam.
Nule Hna Mittthli: An dawt tukmi an fale, an mit ka ah, an rak chuh chih hna i, an rak thah hna. Hringtu nule pale an mitthli a rak tla.
Ralkap Hna Mitthli: Ngakchia hna thah dingin an rak fialmi ralkap pawl zong an thinlung mitthli a rak tla ve ko lai. Zei a sual lomi ngakchia thah hna cu, a tha ko tiah an rak ruat hrim lai lo. Anmah lila zong nupi le fale a ngeimi an rak si ve lai. A har an rak ti tuk lai.
Pathian Mitthli: A fapa minung caah vawlei ah a rak thlah tikah, Pathan a mitthli a tla ve theo lai. Vawleicung ah daihnak um seh tiin a rak thlahmi a fapa kha Herod nih thah a timh lawng si loin, a fapa Jesuh thah duh ah ngakchia tampi thah an rak si tikah, Pathian a thinlung a rak kuai tuk lai dah.
Jesuh Mitthli: Amah thah duh ah, a ngakchia hawi tu an rak thah hna tikah, Jesuh a mitthli a tla ve hrim lai. Cun, Khrihfami nih Amah kan lawmh tiah ti riangmang in kan duh paoh in kan um i, Khrismas caan kha mah duhmi tuah caan, zu din sa-ei caan i kan hman tikah Jesuh a mitthli a tla ve hrim lai.
Tukum kan tuahmi cu midang mitthli tlak tertu a si lo dingah i zuam hna usih. Keimah thinlung chungah rak chuak ko, Bawipa ti hna usih. Khrismas kan tuah tik paoh ah “Khrismas Mitthli” hi thei peng usih law, kannih cu midang mitthli tlak tertu kan si sual nakhnga lo, i zuam hna usih.
No comments:
Post a Comment