Efesa

Efesa cakuat hi Paul nih a tial ti tawn a si nain, midang nih Paul min hmang zau in tialmi sidawh a si deuh. Phundang in chim ahcun, minhleng in tialmi (Pseudonymous) phun a si dawh a si. Biafang, catlang le hmuhning ti bantuk pawl lei kapin zoh tikah Paul he lawhnak an ngei nain, a catialmi i a chimmi zoh tikah Paul chan hnu thil umtuning kha a chim caah Paul nih tialmi a si lo tiah Biakam Thar lei thiamsang hna nih an ti. Paul hnuzul asiloah Paul a uar ngaimi pakhat khat nih Paul min hmangin rak tial dawh in hmuh a si.

Zei ruangah dah Efesa cakuat hi tial a si? Kum zabu pakhatnak a donghnak lei i a rak ummi Khrihfa hna nih Jesuh Khrih kha an zoh i ziaza dawh in an nun nakhnga thazaang pek dingin tialmi a si. Hi cakuat hi 90 CE hrawngah Paul hnuzultu pakhat nih Asia Minor i a ummi Khrihfabu hna sinah a tialmi a si.

Cakuat chung i a ummi zoh tikah hi cakuat nih aa tinhmi cu a fiang ngai ko:
1. Kuttlaihnak (1:1-2)
2. Thluachuah thangthatnak (1:3-23)
3. Pathian Sining Khuaruahhar (2:1-3:13)
4. Thlacamnak (3:14-21)
5. Zumhtlak Si Dingin Forhfialnak (4:1-5:20)
6. Innchungkhar Phung (5:21-6:9)
7. Pumpak I Runvennak (6:10-20)
8. Donghnak Biachim (6:21-24)

Hi cakuat nih Paul sining a langhter khawh ngai, nain Paul nih a tialning tluk cun tha tein a tial kho lo. Siangngakchia nih cun tha tein an cawn ko, nain, tlamtling (perfect) cu a si lo.