Vawlei hmunkip ah a hrang ciahmahmi thlizil nih mikip thinlung ah a hun phorhmi vawlei thawngpang hun theih le hun ruah ah, thinlung nuamlo ngaiin nan um caan a tampi cio tawn lai ka ti. Aruang bel te tampi a um ko lai. Hmunkhat ramkhat ah cun na co ding ka co ding tiin hmun le hma i cuh ruangah zei tuah kho lo nule ngakchia, pitar putar hna nunnak liam in le thinphang awlok chong in minung tampi an um i, hmunkhat kakhat ah cun sualnak le thiltha lo ruangah zei sual lo mipi cungah zawtnak phunkip a tlung i thihlohnak phunkip an tong. Hmunkhat ka khat ahcun Pathian sermi thil zeirel lo ruang le rum duhtuk ruangah vawlei khua caan hmanlo lak tiangin duh paoh in tlonlen a hung si i cu nih cun hmun tampi ah rawltaam tihalnak tampi a hun chuahpi. Cu bantuk harnak, thihlohnak le khuaruah har vansannak he hun i cawh in kum 2008 cu kan hun lonh cio hna i kum 2009 chungah Pathian lamhruainak thawng in kan hung lut cio hna. Zeitluk in dah kan cungah Pathian dawtnak hi a that i a ngan tihi hun ruah lo awk a tha lo. A dawtnak a vel a thuk in a kau, a ngan tuk hringhran ko.
Minung sining ah cun harnak kan ton caan ah Bawipa ka bawm ko tiah mitthli he kan au. Asi nain lawmhnak kan ton caan bel ahcun Pathian cu kan hngal tawn lo, asi lole lawmhnak kan ton caan ah lung tak ngai bang in lawmh nak chim cu kan hmang ve tawn nain, harnak le sifahnak nih a hun kan phak tikah cun Pathian cu kan mawhchiat i a hnu ah cun Pathian a umlo ti tiang kan ti theu tawm. Sihmanhsehlaw, Pathian dawtnak cu cu tin a si lo. Khoi ka ah dah kan hmuh khawh tiah cun Johan 8 chung rel ah hin nihin zumtu aa timi hna kan sining he a khing ngai ka ti. A sualnak thih awk tlak a si ko nain le fapa Jesuh Khrih hrimhrim nih na sual lo tiah a ti ve lo nain minu va kal law a sual bel va sual ti hlah tiah a sualnak ngaihthiam a simi nu bantuk nihin zumtu a timi hna hi kan si ve ko lo maw?
Pathian nih minung kan caah a tha ding le san a tlai ding in zei zong vialte a ser hna. Cu a sermi thil nung hna cu daw hleng loin kan duh paoh in kan thah kan saam hna i harnak nih a kan phak tikah Pathian sinah kan tap kan hram. A dawtnak a vel in a run kan ven than tik zong ah kan duhpaoh in kan um i amah lei hoih lo in thil kan i cuh, bukhat le bukhat kan i do, inchung khar kan i then, zumtu aa timi hna umnak ah nule pa nung ko nain ngaktah kan tam. Hizawn ah hin Pathian nih ka fa na sual lo tiah a kan ti kho hnga maw? Fak deuh in ruah kan herh ko cang.
Kan ral setan nih ni fatin kan sualnak Pathian sin ah, khah hi dakaw vawlei nafa le sualnak cu a si hi, zei tin dah na tuah cang hna lai tiah report a pek lengmang lio ah, ka dawtmi Laimi ka fale hna nan sualnak cu kan ngaihthiam hna va kal ulaw nan phak nak kip ah thil tha tuah va zuam u, a sual bel va sual ti hlah u timi au aw thei cang hna usih. Kan ram zong nih dinnak le thil tha a tuahmi fanu fapa a herh ko cang. Lairam kan daw lo ti i kal tak le philh si loin kan phaknak hmun kip cio in a sual bel va sual ti hlah timi ngaihthiamnak authawng thei in kan ram ca le Pathian ram caah dinnak he riantuan i tim cio hn usih.
Mual Hei
Malaysia
Minung sining ah cun harnak kan ton caan ah Bawipa ka bawm ko tiah mitthli he kan au. Asi nain lawmhnak kan ton caan bel ahcun Pathian cu kan hngal tawn lo, asi lole lawmhnak kan ton caan ah lung tak ngai bang in lawmh nak chim cu kan hmang ve tawn nain, harnak le sifahnak nih a hun kan phak tikah cun Pathian cu kan mawhchiat i a hnu ah cun Pathian a umlo ti tiang kan ti theu tawm. Sihmanhsehlaw, Pathian dawtnak cu cu tin a si lo. Khoi ka ah dah kan hmuh khawh tiah cun Johan 8 chung rel ah hin nihin zumtu aa timi hna kan sining he a khing ngai ka ti. A sualnak thih awk tlak a si ko nain le fapa Jesuh Khrih hrimhrim nih na sual lo tiah a ti ve lo nain minu va kal law a sual bel va sual ti hlah tiah a sualnak ngaihthiam a simi nu bantuk nihin zumtu a timi hna hi kan si ve ko lo maw?
Pathian nih minung kan caah a tha ding le san a tlai ding in zei zong vialte a ser hna. Cu a sermi thil nung hna cu daw hleng loin kan duh paoh in kan thah kan saam hna i harnak nih a kan phak tikah Pathian sinah kan tap kan hram. A dawtnak a vel in a run kan ven than tik zong ah kan duhpaoh in kan um i amah lei hoih lo in thil kan i cuh, bukhat le bukhat kan i do, inchung khar kan i then, zumtu aa timi hna umnak ah nule pa nung ko nain ngaktah kan tam. Hizawn ah hin Pathian nih ka fa na sual lo tiah a kan ti kho hnga maw? Fak deuh in ruah kan herh ko cang.
Kan ral setan nih ni fatin kan sualnak Pathian sin ah, khah hi dakaw vawlei nafa le sualnak cu a si hi, zei tin dah na tuah cang hna lai tiah report a pek lengmang lio ah, ka dawtmi Laimi ka fale hna nan sualnak cu kan ngaihthiam hna va kal ulaw nan phak nak kip ah thil tha tuah va zuam u, a sual bel va sual ti hlah u timi au aw thei cang hna usih. Kan ram zong nih dinnak le thil tha a tuahmi fanu fapa a herh ko cang. Lairam kan daw lo ti i kal tak le philh si loin kan phaknak hmun kip cio in a sual bel va sual ti hlah timi ngaihthiamnak authawng thei in kan ram ca le Pathian ram caah dinnak he riantuan i tim cio hn usih.
Mual Hei
Malaysia
No comments:
Post a Comment