Caan tlaitu: Siang Dun
Thawngttha chimtu: Pastor Ronald Charles
CIM ah a rak chuak mi zumtu hawi dawt hna, Pathian min in nan kut kan in tlaih hna. Caan ttha a kan petu Pathian kan thangtthat. Thawngttha chimtu Pastor Ronald Charles cung ah lawmnak kan chim. Chin Baptist Church Milwaukee ah pastor a ttuan lio mi a si. Thawngttha chimtu hi mino te a si. High School (USA) a kai lio bawlung (Soccer) lei ah minthang ngai a si. Mino te a si, vawlei lei mintthatnak a hmu mi a si fawn. Vawlei lei thil tampi kal tak in Pastor rianttuan a thim mi mino a si. Central Baptist Theology Seminary (USA) ah Master a kaipah lio a si. USA mino tampi chung ah Pathian rian a ttuan hmasabik a si. Upat a um hringhran. Thlacamnak he dirkamh cio hna usih. Phungchimtu kut ah caan kan pek cang.
PHUNGTHLUKBIA 30:24-26
"Thil hme tete pali vawlei cungah hin an um, Sihmanhsehlaw cu hna cu, a fim bikmi nak hmanh in an fim deuh: Cu hna cu hihi an si: Hngerhte, a ṭhawngmi an si lo na i an rawl ṭhal caan i aa khonmi; Saveh, a der ngaimi a si ko na i lungkua chung i a inn a sami".
Hi ban tuk in CIM ah thawngtha chim nak caan ka hmuh khawh caah caan pe tu nan cung ah lung lawmh nak tam pi ka ngei. Chim khawh nak le caan tha a ka pe tu Pathian min thangthat si ko seh.
Kan bible thim mi ah vang lut colh ko hna usih law, V: 24 a hram thawk ah khan thil hme te te pali a ti nain pa hnih kong hi i ruat ti ding ah ka van i thim.
"A fim bikmi nak hmanh in an fim deuh" tiah a ti caah, zei ban tuk dah an fim nak cu asi, kan nih nih teh an fim nak chung in zei dah kan i cawn khawh lai i, kan nun ah zei tin dah cu ban tuk a fim mi hna nun cu kan neih khawh vei lai ti hi ruat ti hna usih.
Hngerhte (V:25)
Hngerhte cu afa te i ke pa ruk a ngei mi an si, vawi lei cung ah hin hngerhte phun 20,000 hrawng an um. An mah le an phun cio ah tuan vo cio an nei hna i an rian cung ah zumh awk tlak tein a tuan mi an si. An ngeih mi caan kha man nei tein a hmang mi zong an si. A thawng mi an si lo nain an phun caah cun an tha zang dih lak in a tuan mi an si. Hngerh te cu thal caan ah rawl kha tam khawh chung tam in an kawl i an i khawn,a ruang cu fur caan ah cun ruah a sur i rawl an kawl kho ti loh, a fa tuk mi an si caah fur caan i ti nih an nun nak tiang hmanh a hrawk kawh hna caah rian tuan awk a tha loh. An neih mi caan that lio ah an herh mi rawl cu za lak in a kawl i a khawng mi an si.
Hi hngerhter nun nih a kan cawn piak mi cu, tu chan ah lai mi tam pi hna cu ram sang sang le ram tha tha kan phan kho ve cang. Mi no tam pi hna cu sianginn tha tha a um nak khua le ram ah kan um kho ve cang, lai mi kan caah cun thal caan lio te asi. Hi lio caan ah hin kan mah nak in a fa deuh mi hngerhte ban tuk i kan fim ve awk asi. Siang ca cawng kho mino hna nih kan si khawh chung in fim nak kan kawl i, tuan awk a herh mi tuanvo kha kan tloh lo awk asi. Cu caah cun hi tluk i kan neih mi caan tha ah hin kan tuah awk asi mi tuah loin nuam nak men men le pumsa duh nak le a her lo mi thil hna in kan caan kan liam ter awk asi lo.Pathian nih an kan pek mi thlua chuah hna hi a neih zia kan thiam lo i kan duh paoh in kan hman asi ah cun, lot le a chung khar ban tuk kan si sual lai. Cu lawng si loin hi hngerhte nun nih a van langh ter than mi cu zumtu hna nih vawilei cung caan tha kan ngeih lio ah hin kan thlarau nih zungzal nunnak caah a herh mi rawl Khamhtu Jesuh Khrih kan ngeih a herh.
Saveh (V:26)
Saveh cu saram lak ah a der thawm ngai i san tlai lo mi saram fa te asi. Bible nih cun lung kua chung ah inn asa mi tiah ti. Saveh cu Cakei le Chiandeih, a si lo ah a ral hna nih an van dawi tik ah, lung kua chung i a inn ah cun a luh tak hna i, a ral hna nih cun cu lung inn cu zei ti hmanh in an hrawk kho lo i har nak an pe kho lo, lung kua cu um nak in ah a thim ruag ah him nak le luat nak a hmuh nak asi. Zumtu kan nih zong hi a der thawm mi, mah tein thil ti khawh nak zei hmanh a ngei lo mi saveh ban tuk san tlai lo kan si, vawilei cung kan nun nak hi harnak phun phun, sifah nak, lungre theih nak, ngeih chait nak, tukforh nak, zawtnak tiin ral phun phun a um nak hmun ah khua sa mi kan si. Cu caah cun hi ban tuk ral hna chung in kan him nak ding ah Khamtu Lungpi Jesuh khrih chung ah kan inn kan sak a hau.
Zumtu tam pi hna cu an minung thil ti khawh nak in him nak le deih nak an kawl tawn, a cheu zum tu hna cu kan lung re a theih tik ah Jesuh khrih kawl loin vawilei thil in hna ngam nak kan kawl tawn, Har nak kan tawn tik ah vawilei cung thilri le kan neih chiah hna in luat nak kan kawl tawn, sihmanhsehlaw luatnak le hna ngam nak le deih nak tak tak cu vawi lei thilri ah si loin Jesuh Khrih lawng lawng hi asi. vawi lei cung ram rum le ran sang sang hna zong ah a um lo, a thawng bik mi ram le a thiam bik mi ram hna zong nih an ngei kho lo. Sihmansehlaw zul tu hna cu Galilee tili cung ah thlichia le tilet hna nih a dum hna i har nak an tawn lio ah khan deih nak an hmuh nak le him nak an hmuh nak cu Jesuh khirh an sin a um caah asi. Cu caah cun lai mi zumtu kan nunnak ah hin lairam kan um ah siseh, ram dang kan um ah siseh, khawi ka kan um poah zong ah kan him nak le kan luat nak ding cu Jesuh Khrih lawng asi. Miphun caah si seh(Psm 33:12), Pumpak caah zong ah siseh(Lam 4:12), kan chungkhar ca zong ah siseih kan herh bik mi cu Bawi Jesuh asi( Lam 16:31)
Zumtu u le nau hna kan nunnak ah, hi saram fa te hngerhte le saveh nun zia nih a kan cawmpiak mi hi ni fa tein kan nunnak ah kan in nun pi i kan bible nih a chim duh mi fim nun zia hi kan neih khawh ve nak hnga Bawi khrih min in kan sawm hna. Pathian nih thluachuah kan pek piak ko seh.....Amen
Theihternak: July 5, 2009 ni CIM caan hmannak kan tarmi a si.
Thawngttha chimtu: Pastor Ronald Charles
CIM ah a rak chuak mi zumtu hawi dawt hna, Pathian min in nan kut kan in tlaih hna. Caan ttha a kan petu Pathian kan thangtthat. Thawngttha chimtu Pastor Ronald Charles cung ah lawmnak kan chim. Chin Baptist Church Milwaukee ah pastor a ttuan lio mi a si. Thawngttha chimtu hi mino te a si. High School (USA) a kai lio bawlung (Soccer) lei ah minthang ngai a si. Mino te a si, vawlei lei mintthatnak a hmu mi a si fawn. Vawlei lei thil tampi kal tak in Pastor rianttuan a thim mi mino a si. Central Baptist Theology Seminary (USA) ah Master a kaipah lio a si. USA mino tampi chung ah Pathian rian a ttuan hmasabik a si. Upat a um hringhran. Thlacamnak he dirkamh cio hna usih. Phungchimtu kut ah caan kan pek cang.
A FIM MI HNA NUN ZIA
PHUNGTHLUKBIA 30:24-26
"Thil hme tete pali vawlei cungah hin an um, Sihmanhsehlaw cu hna cu, a fim bikmi nak hmanh in an fim deuh: Cu hna cu hihi an si: Hngerhte, a ṭhawngmi an si lo na i an rawl ṭhal caan i aa khonmi; Saveh, a der ngaimi a si ko na i lungkua chung i a inn a sami".
Hi ban tuk in CIM ah thawngtha chim nak caan ka hmuh khawh caah caan pe tu nan cung ah lung lawmh nak tam pi ka ngei. Chim khawh nak le caan tha a ka pe tu Pathian min thangthat si ko seh.
Kan bible thim mi ah vang lut colh ko hna usih law, V: 24 a hram thawk ah khan thil hme te te pali a ti nain pa hnih kong hi i ruat ti ding ah ka van i thim.
"A fim bikmi nak hmanh in an fim deuh" tiah a ti caah, zei ban tuk dah an fim nak cu asi, kan nih nih teh an fim nak chung in zei dah kan i cawn khawh lai i, kan nun ah zei tin dah cu ban tuk a fim mi hna nun cu kan neih khawh vei lai ti hi ruat ti hna usih.
Hngerhte (V:25)
Hngerhte cu afa te i ke pa ruk a ngei mi an si, vawi lei cung ah hin hngerhte phun 20,000 hrawng an um. An mah le an phun cio ah tuan vo cio an nei hna i an rian cung ah zumh awk tlak tein a tuan mi an si. An ngeih mi caan kha man nei tein a hmang mi zong an si. A thawng mi an si lo nain an phun caah cun an tha zang dih lak in a tuan mi an si. Hngerh te cu thal caan ah rawl kha tam khawh chung tam in an kawl i an i khawn,a ruang cu fur caan ah cun ruah a sur i rawl an kawl kho ti loh, a fa tuk mi an si caah fur caan i ti nih an nun nak tiang hmanh a hrawk kawh hna caah rian tuan awk a tha loh. An neih mi caan that lio ah an herh mi rawl cu za lak in a kawl i a khawng mi an si.
Hi hngerhter nun nih a kan cawn piak mi cu, tu chan ah lai mi tam pi hna cu ram sang sang le ram tha tha kan phan kho ve cang. Mi no tam pi hna cu sianginn tha tha a um nak khua le ram ah kan um kho ve cang, lai mi kan caah cun thal caan lio te asi. Hi lio caan ah hin kan mah nak in a fa deuh mi hngerhte ban tuk i kan fim ve awk asi. Siang ca cawng kho mino hna nih kan si khawh chung in fim nak kan kawl i, tuan awk a herh mi tuanvo kha kan tloh lo awk asi. Cu caah cun hi tluk i kan neih mi caan tha ah hin kan tuah awk asi mi tuah loin nuam nak men men le pumsa duh nak le a her lo mi thil hna in kan caan kan liam ter awk asi lo.Pathian nih an kan pek mi thlua chuah hna hi a neih zia kan thiam lo i kan duh paoh in kan hman asi ah cun, lot le a chung khar ban tuk kan si sual lai. Cu lawng si loin hi hngerhte nun nih a van langh ter than mi cu zumtu hna nih vawilei cung caan tha kan ngeih lio ah hin kan thlarau nih zungzal nunnak caah a herh mi rawl Khamhtu Jesuh Khrih kan ngeih a herh.
Saveh (V:26)
Saveh cu saram lak ah a der thawm ngai i san tlai lo mi saram fa te asi. Bible nih cun lung kua chung ah inn asa mi tiah ti. Saveh cu Cakei le Chiandeih, a si lo ah a ral hna nih an van dawi tik ah, lung kua chung i a inn ah cun a luh tak hna i, a ral hna nih cun cu lung inn cu zei ti hmanh in an hrawk kho lo i har nak an pe kho lo, lung kua cu um nak in ah a thim ruag ah him nak le luat nak a hmuh nak asi. Zumtu kan nih zong hi a der thawm mi, mah tein thil ti khawh nak zei hmanh a ngei lo mi saveh ban tuk san tlai lo kan si, vawilei cung kan nun nak hi harnak phun phun, sifah nak, lungre theih nak, ngeih chait nak, tukforh nak, zawtnak tiin ral phun phun a um nak hmun ah khua sa mi kan si. Cu caah cun hi ban tuk ral hna chung in kan him nak ding ah Khamtu Lungpi Jesuh khrih chung ah kan inn kan sak a hau.
Zumtu tam pi hna cu an minung thil ti khawh nak in him nak le deih nak an kawl tawn, a cheu zum tu hna cu kan lung re a theih tik ah Jesuh khrih kawl loin vawilei thil in hna ngam nak kan kawl tawn, Har nak kan tawn tik ah vawilei cung thilri le kan neih chiah hna in luat nak kan kawl tawn, sihmanhsehlaw luatnak le hna ngam nak le deih nak tak tak cu vawi lei thilri ah si loin Jesuh Khrih lawng lawng hi asi. vawi lei cung ram rum le ran sang sang hna zong ah a um lo, a thawng bik mi ram le a thiam bik mi ram hna zong nih an ngei kho lo. Sihmansehlaw zul tu hna cu Galilee tili cung ah thlichia le tilet hna nih a dum hna i har nak an tawn lio ah khan deih nak an hmuh nak le him nak an hmuh nak cu Jesuh khirh an sin a um caah asi. Cu caah cun lai mi zumtu kan nunnak ah hin lairam kan um ah siseh, ram dang kan um ah siseh, khawi ka kan um poah zong ah kan him nak le kan luat nak ding cu Jesuh Khrih lawng asi. Miphun caah si seh(Psm 33:12), Pumpak caah zong ah siseh(Lam 4:12), kan chungkhar ca zong ah siseih kan herh bik mi cu Bawi Jesuh asi( Lam 16:31)
Zumtu u le nau hna kan nunnak ah, hi saram fa te hngerhte le saveh nun zia nih a kan cawmpiak mi hi ni fa tein kan nunnak ah kan in nun pi i kan bible nih a chim duh mi fim nun zia hi kan neih khawh ve nak hnga Bawi khrih min in kan sawm hna. Pathian nih thluachuah kan pek piak ko seh.....Amen
Theihternak: July 5, 2009 ni CIM caan hmannak kan tarmi a si.
No comments:
Post a Comment