Song Is the Soul of Our Movement

Caan an liam. Thil sining hna a van i thleng. Kan kum khua hna a van upa deuh ve. Kan rak tlonlen ti mi hawikom tha hna he kan i then. A luancia caan hna kha tuanbia ah an caang. A caan cu mirang nih “16 years later” an ti laimi 1992-3 hrawng kha a si. 1993 hrawng kha Middle School ka rak kai lio a si. Zaan thlapa a vang. Zaan thlapa tangah nungak tlangval pawl rak len ti asi. Khuate fa kan si caah a si rua. Cu lio ah Lai hla hi rak uar ngaingai a si. A sullam ka thei tuk lo, nain Duh Hoi hla kha ka rak uar ngai ve. Atu zong a sullam ka theih lomi an um len rih. Pali bia tampi aa tel rua ka ti. Duh Hoi kha a aw a tha. Cun, hla a sak tikah passionate feeling he a sak. “Khan-sa-chiat” a rak ngei rua ka ti. Cucaah, a ngaitu zong nih rak feel ngai a si ve.

High School ka rak kai lio ah Kawl hla ka rak theih hmasa. Sai Saing Maw nih a sakmi “Muse Nankhan Lam” kha a si. Cun, Kawl hla lak ah ka uar bikmi cu Sai Htee Saing hla “May Myo Mo” kha a rak si. Nain, Htee Saing hla hi cu a zate ngawt in ka uar ko. Atu zong ka uar rih hna. Atu zong ka ngai theo. Hmailei zong ah ka uar zungzal lai. Amah Htee Sai hrim hi ka uar. A hla cu ka uar zungzal lai. Nain, a thih lai hrawng kha cu amah pum cu hlan bantuk in ka uar ti lo. Zeicatiah? Kawl ralkap pawl duhmi hla a sak piak theo hna caah a si. Keimah lawng ka si rua lo. A pa-ri-that (audience) tam u nih an kal tak. A fekmi dirhmun a ngei lo kan ti ko lai.

Ka uarmi hla pawl hi zuun hla le ram hla deuh an si rua. Nain, Pathian hla zong ka uar ngaimi te a um ve. CCC le MIT ah kan sak theo mi “We shall overcome some day” kha ka rak uar. A bia an tha tuk. Abikin, Kawlram in hremnak a tuarmi kanmah Laimi hna caah sullam a ngei tuk. Hi hla a phuahtu hi Methodist Pastor Rev. Charles Tindley a si an ti. 1947 ah published tuah a rak si. Pathian hla asi. 1950s – 1960s lio Civil Rights Movement lio ahkhan hi hla hi sullam a rak ngei tuk an ti. Guy Carawan, Seeger le Joan Glazer te pawl nih, abikin 1959 lio ah, hi hla in “non-violent civil rights movement” kha an rak kal pi an ti. An movement ah sullam a rak ngei, mipi caah thazaang a rak petu spiritual song a rak si.

Biakilhnak: Civil Rights Movement hruaitu Martin Luther King, Jr nih “Song is the Soul of Our Movement” a rak ti an ti. A si ko. “We shall overcome some day” nih US um minak pawl a luatter taktak cang hna. Atu ah King nih Obama hi vun hmuh sehlaw, lunglawmhnak mitthli a thla theo lai. Zuun hla a si ah, Ram hla a si ah, Pathian hla a si ah, minung kan nunnak sullam a ngeihter tu taktak cu hla a rak si, a si lio, a si zungzal ko lai.



WE SHALL OVERCOME SOME DAY
We shall overcome, we shall overcome
We shall overcome some day
Oh, deep in my heart, I do believe
We shall overcome some day

The Lord will see us through, the Lord will see us through
The lord will see us through some day
Oh, deep in my heart, I do believe
The Lord will see us some day

We’re on to victory, we’re on to victory
We’re on to victory some day
Oh, deep in my heart, I do believe
We’re on to victory some day

We’ll walk hand in hand, we’ll walk hand in hand
We’ll walk hand in hand some day
Oh, deep in my heart, I do believe
We’ll walk hand in hand some day

We are not afraid, we are not afraid
We are not afraid today
Oh, deep in my heart, I do believe
We are not afraid today

The truth shall make us free, the truth shall make us free
The truth shall make us free some day
Oh, deep in my heart, I do believe
The truth shall make us free some day

We shall live in peace, we shall live in peace
We shall live in peace some day
Oh, deep in my heart, I do believe
We shall live in peace some day

Pa Pum
Princeton