Nawlngeihnak le Jesuh chuahnak kong hi a tu lio Kawlram context in ka hun tial lai. Mah Jesuh chuahlio i ngakchia mah vialte Herod nih a thah hna timi hi tuanbia ah a um taktak lo a timi an um i, a cheu biblical scholar pawl nih cun tuanbia ah a um ko a timi zong an um ve. Josephus hi historian a si i Herod nih a tuahmi thil tam lak te record a tuahtu a si. A sinain mah Jesuh chuahlio ah ngakchia tampi a thah hna timi hi Josephus nih record a tuah lo. Matthai 2:16-18 hi tuanbia ah a um taktak le um taktak lo kha ka chim duhmi si lo in Matthai catialtu nih lung awtawmnak ngei lo tein a tialmi cu Herod nih Jesuh a chuah lio ah Bethlehem ah ngakchia tampi a thah hna ti kha a si.
Matthai nih mah kong a tial tikah hin fiang tein langhter a duhmi cu nawlngeihnak (power) hi a ningcang loin hman ahcun (misuse) ttih a nunnak kha fiang tein a langhter. Herod nih a nawlngeihnak kha misuse a tuah tikah zei hngallo ngakchia tampi thihnak a chuahpi ti kha Matthai nih fiang tein langhter a duhmi a si. Cucu a careltu hna nih an fian nakhnga caah khan mah Jesuh chuahnak kong hi a tial duh hnawhchanmi a si.
Minung hi an kokek sining hrimhrim ah michia, mi thalo ti hi an rak um ko. Herod hi amah fa cia hmanh a thatmi pa a si. A uknak an ka cuh sual lai tiah a chungkhat hmanh a rak thatmi pa a si. Cucaah ram tampi ah a hlei in ralkap nih ukmi ram ahcun an nawlngeihnak a chut dingmi cu an caah thah a fawi te ko lai. Sualnak ngei lo hmanh kha Herod nih a nawlngeihnak ven duh ah a rak thah hna si kaw, nawlngeihnak a ka chuh te lai tiah an ruahmi minung cu fawi tein an thah ko hna lai. Cucu Herod tuanbia ah fiang tein kan hmuhmi a si.
2010 cu kan ram i timnak a um lai. A kan hruaitu nih zeitin an kan hruai lai i zeitin thimnak an kan tuahpi lai ti cu fiang ngai in an chim ko. An chimning bantuk in an kan tuahpi lai le tuah pi lai lo cu thei ve hlah. Cucu anmah lei rian ah chia ko usih, zei kan tuah khawhmi a um lo caah. Asinain kanmah mipi lei kan tuah ding thil cu a um ve. Matthai nih nawlngeihnak misuse a tuahtu Herod ruangah zei hngallo, ngakchia an thihnak a si kha a careltu fiang tein chimh a duh hna bantuk in, kannih zong nawlngeihak misuse a tuahtu ding uktu cu kan thim ding a si lo kha fiang ngai in a kan chimhmi a si.
Chan Chum Hei
Hong Kong
Matthai nih mah kong a tial tikah hin fiang tein langhter a duhmi cu nawlngeihnak (power) hi a ningcang loin hman ahcun (misuse) ttih a nunnak kha fiang tein a langhter. Herod nih a nawlngeihnak kha misuse a tuah tikah zei hngallo ngakchia tampi thihnak a chuahpi ti kha Matthai nih fiang tein langhter a duhmi a si. Cucu a careltu hna nih an fian nakhnga caah khan mah Jesuh chuahnak kong hi a tial duh hnawhchanmi a si.
Minung hi an kokek sining hrimhrim ah michia, mi thalo ti hi an rak um ko. Herod hi amah fa cia hmanh a thatmi pa a si. A uknak an ka cuh sual lai tiah a chungkhat hmanh a rak thatmi pa a si. Cucaah ram tampi ah a hlei in ralkap nih ukmi ram ahcun an nawlngeihnak a chut dingmi cu an caah thah a fawi te ko lai. Sualnak ngei lo hmanh kha Herod nih a nawlngeihnak ven duh ah a rak thah hna si kaw, nawlngeihnak a ka chuh te lai tiah an ruahmi minung cu fawi tein an thah ko hna lai. Cucu Herod tuanbia ah fiang tein kan hmuhmi a si.
2010 cu kan ram i timnak a um lai. A kan hruaitu nih zeitin an kan hruai lai i zeitin thimnak an kan tuahpi lai ti cu fiang ngai in an chim ko. An chimning bantuk in an kan tuahpi lai le tuah pi lai lo cu thei ve hlah. Cucu anmah lei rian ah chia ko usih, zei kan tuah khawhmi a um lo caah. Asinain kanmah mipi lei kan tuah ding thil cu a um ve. Matthai nih nawlngeihnak misuse a tuahtu Herod ruangah zei hngallo, ngakchia an thihnak a si kha a careltu fiang tein chimh a duh hna bantuk in, kannih zong nawlngeihak misuse a tuahtu ding uktu cu kan thim ding a si lo kha fiang ngai in a kan chimhmi a si.
Chan Chum Hei
Hong Kong
No comments:
Post a Comment