Carel Tikah Ruahchih Awk

Cauk Rel Tikah Zulhding Dot Pawl (Steps to Follow When Reading):

1. Catialtu aho dah a si ti le catialtu nih a hmuhning kha theih i zuam. Tahchunhnak ah, catialtu hi khoika ah dah sianginn a rak kai, zei bantuk ca pawl dah a tial bal cang, khoika ah dah atu hi a tuan, cachimtu maw a si asiloah zei tuahmi dah a si. Hi pawl na hngalh hlan ah cauk a chung kha rel rih hlah.
2. Tinhmi ngei buin le lungtho tein rel: biahal, kherhhlai, rin piak, tuaktan chih.
3. Cauk i a chung ummi (table of contents) kha zoh hmasa hrimhrim – hi cauk nih zeilei dah kalpi aa timh ti kha theih i zuam.
4. Biahmaithi (introduction) kha tha tein rel – biahmaithi hi catialtu nih a tialmi ah a biapi bikmi a si kho, cu caah tha tein rel law, a si khawh ahcun na kut ah ballpen i ken. Phundang in chim ahcun, a chim duhmi kha tha tein tial (take good notes).
5. Cauk nih a chimduhmi (thesis) le a biapi in a chimmi kong pawl (themes) kha rin piak hna (underline) – Chimduhmi (thesis) hi biahmaithi ah hmuh khawh bik a si. A chimduhmi na tlaih piak hnu ah hi chimduhmi (thesis) le cauk chung i dal a thenmi i a tialmi pawl zei tin dah an i pehtlaih ti kha zohpiak.
6. Dal tlawmte a ummi cauk an um; dal tampi a ummi an um. Cucaah, a biapi deuh tiah na ruahmi dal pawl kha rel hna. Cun a taangmi kha cu a tlangpi khin rel law, a fate tiang (detail) zohpiak lem hlah. Zei tin dah dal khat cio (each chapter) nih cauk ningpi huapin a chimduhmi kha an dirpi ti kha hngalh i zuam.
7. Biafunnak (conclusion) tha tein relpiak – Zei tin dah catialtu nih biafunnak a tuah ti kha tha tein zohpiak law, catialtu nih a tial duhmi hi tluang tein le thinlung la tein a tial kho tak maw ti kha cuaithlai piak.

Cauk Rel Tikah Hal Dingmi Biahalnak Pawl (Questions to Ask When Reading)
Cauk:

• Hi cauk i a chimduhmi (thesis) zei dah a si?
• Dal khat cio nih cauk huap in a chimduhmi kha zei tin dah an dirhkamh?
• Hi chimduhmi (thesis) hi ka pom kho maw, pom kho lo? Zei ruangah?

Catialtu:

• Catialtu nih hi cauk a tial tikah zei bantuk lungput asiloah ruanchungmi (presuppositions) dah a ngeih? Tahchunhnak chim hmanh.
• Catialtu nih theihharmi biafang (technical terms) a hmang maw? Zei pawl dah an si? Zei bantuk sullam dah an ngeih?
• Catialtu nih zei bantuk dah (sources) chirhchan ah a hman? Chirhchan a hmanmi ah ka theih cia an um maw?
  

Careltu:

• Hi cauk hi keimah nih tialning law, a zei zawn khi dah biapi ah ka chiah hnga?
• Ka hmuhning le ruahchungmi (presuppositions) nih zei tin dah cauk pakhat ka relmi kong ah a ka mawngh (affect)?
• Hi tlangtar kong hi tam deuh rel le theih ka hau maw? Khoika lei dah hi pinah ka panh lai asiloah zei kong dah ka rel chap lai?
  

Theihternak: Derek Cooper nih a tialmi “Reading Critically” ka lehmi a si.